CIGOWONG - LAMPU PATROMAK SEBAGAI PENGGARIS

Lalampahan ka Pantan Cigowong teh lumayan jauh teu bisa kanu motor ngan ukur bisa ku leumpang mapay mapay jalan satapak di sisi irigasi,samemeh anjog kanu dituju aya hiji torowongan cai nu menarik perhatian simkuring jeung Mang Iyan ,mulang ti Pantan Cigowong gancang wae neangan jalma nu bisa dikorek katerangana ngeunaan ieu torowongan cai,kabeneran aya nu boga warung apaleun ka torowongan eta.Pa Eman ( 70 taun ) nerangkeun yen Torowongan cai Cigowong dijieun sakira taun 1970 alpukahna ti PU INFRASTRUKTUR PERDESAAN,ngemban tugaskeun ka ramana Pa Eman nu ngarana Pa Askim pikeun neangan jalma nu sanggup nyieun torowongan mubus gunung nu panjangna sakira 150 meter,nya kapanggih wae Pa Maksum ti Selaawi Bantarujeg dibantuan ku baturna nu jumlahna 8 urang.make peralatan sederhana pisan haritateh,pagaweana dibagi 2 grup,sawareh mobok ti girang,sawarehna ti blah hilirna.ku simkuring ditanya kmh bisa lempeng mobokna? Cenahmah make lampu Patromak nu dirancang ngarah cahaya lampuna jadi fokus nyorot ,pan ari cahayamah cnah lempeng nyorotna tara pungkal pengkol,jadi ukurana aya dinu sorotan patromak dimana nu kasorot eta nu dibobok ,di girang jg di hilirna sarua make patromak,ngan cenahmah pas tengah2 pagawean nu ti girang jg ti hilir beda satengah meter titik patepungna,nu ti hilir handap teuing,makana pas tepungna aya curugan sakira satengah meter,kabayangkeun teh mun gs tengah2 manggih batu badag,untungnateh mulus taya halangan.rupanamah Pa Maksum lain jalma kosong,sbb mun jalma biasa mgkn moal kuat ku eungapna di jero jg bisa teu keuna kanu batu.torowongan bisa anggeus salila 3 bulan,sakitunamah mulus rahayu taya nu cilaka,hasilnage ngajirat lempeng ti girang ka hilirna.Bulan November 1971 saluran irigasi ti Pantan Cigowong akhirna bisa dipontengkeun ka Torowongan eta.nepika ayeuna disalurkeun ka sawah2 di sktar desa Ganeas..( salajengna ka Pantan Cigowong..watterleiding bedrijft bij Talaga.?? ).
(Naro, 14 September 2016)