SEMAR RIA KADIPATEN

Mulangkeun katineung dinu mangsa ngarajana sarana hiburan taun 1980-1990 an nu kiwari geus pareum kaleled ku hiburan jaman now ,Bioskop.
Aya sabraha gedong bioskop nu aya di Majalengka nu geus taya laratana,kaitung masih keneh aya jungkirinhnamah gedong bioskop nu aya di Kadipaten misalna Semar Ria.
Numutkeun katerangan Restu Suryawan Semar Ria dibangun taun 1966,samemehnamah di tempat eta sok dipake latihan jg arena adu boksen kiwarimah disebutna Sasana,kagiatan di sasana teu lila ganti jadi tempat hiburan jeung kantor CV TIK DUK milik Bp Oo Burhanudin ( Ramana Restu Suryawan ) satuluyna dibangun Gedong Bioskop Semar Ria.
Ngaran Semar Ria dicokot tinu ngaran tokoh punakawan Semar ,dimana pemilik biiskop seneng pisan ka wayang utamanamah tokoh semar,Lamun Ria dicokot tinu Taman Ria sarana hiburan samemeh jadi bioskop.
Semar Ria mulai diresmikeun tg 11 Maret 1966 minangka pemutaran film perdanana mah tangtu harita lobana film barat produksi Hollywood,MGM,FOX jg sajabana.Tiap tanggal 11 Maret mah sok digratiskeun itung itung ulang tauna bioskop.Puncak kajayaan Semar Ria dinu taun 1980-1990 an saperti dinu poto ieu Semaria taun 1988 keur muter film india maklum harita film india keur dipigandrung pisan jiga nu harita dipajang poster gambar filmna "Avinash ?? '" bentangna nu kakoncara Mithun Chakraborty jg Phonam Dilon budak ngora jaman bengenanmah pasrti teu bireuk ka aran eta angot ka film nu judulna " DISCO DANCER " gs pasti langsung inget ka Mithuun.Potongan Karcisnamah masih aya nu nyesa keur Okt 1997 hargana Rp 1500 masih murah padahal ukuran harita duit sakitu bisa keur meuli baso 2 mangkok.
Manjing ka akhir taun 1990 dugika taun 2000 an mahabuna krisis moneter sagala rupa mahal,malah aya kabijakan dinu hal impor film dikuasai ku Sineplex akhirna bioskop Semar Ria keuna imbasna film jadi hese dinu ayana oge mahal,biaya muter film jadi nambahan,anu asalna peredaran film di Majalengka gampang jadi werit ,malah bioskop nu aya di kota Majalengka samemehnamah film sok ngadagoan heula diputer di Kadipaten .Mang Udin Paul biasana sok nyokotan Roll film ti Semar Ria pikeun diputer di Istana Bintang jg Garuda Dua Majalengka.Taun 2002 Semar Ria resmi ditutup faktor biaya pemutaran film nu mahal,ayana tekhnologi dibidang media hiburan lain VCD khususna jadi pamgaruh ngurangan penonton nu hadir di Bioskop,taun 2008 Semar Ria dijual ka toko Trijaya kiwari di emperan Semar Ria aya tukang Baso nepika nelah ka ngaran basona baso Semar Ria .
(Naro, 16 July 2018)